наверх
Главная » Новости » Qiziqarli faktlar
14:55
Rus davlati nega Islomni tanlamagan?

Rossiyaning markaziy telekanlaridan biri “Pervыy”da mamlakatda 12 iyun – “Rossiya kuni” bayrami nishonlangan sanada namoyish etilgan “Knyaz Vladimir - Rus davlati cho‘qintiruvchisi” filmida Qadimgi Rus davlati e’tiqodining aynan nima sababdan yunon talqinidagi provoslavlik tomon yuz burgani borasida hikoya qilinadi. Azon.uz nashri bunga e’tibor qaratdi.

Film ijodkorlari ssenariyni yozishda tarixchi Nestor qalamiga mansub manbaga tayanishgan.

Ma’lum bo‘lishicha, siyosiy ittifoqchi izlayotgan knyaz Vladimir huzuriga turli din davatchilari tashrif buyurishgan.

Vladimirning Xazar yahudiylari vakiliga javobi quyidagicha bo‘lgan.

“O‘zlaringiz Xudo tomonidan rad etilib, yer yuzining turli nuqtalariga sochilib ketgan holingizda xalqimni nimaga ham da’vat etardingiz. Yoki bizlargayam shuni istaysizmi? Sizning davlatingiz vayron etilib, parokanda bo‘lmishdir. Yoki bizning hisobimizdan uni tiklashni istaysizmi”.

Knyazning Musulmon elchiga javobi yanada kutilmagan ko‘rinish oldi.

“Rusda ichkilik an’anasi bor – busiz hayot kechira olmaymiz”.

Tarixchilar bu so‘zlarni ko‘pincha Rossiyadagi ichkilikka ruju qo‘yishning ibtidosi o‘laroq talqin qilishadi.

Rus odatiga ko‘ra knyaz dasturxonida maslakdoshlar jam bo‘lishardi. Hozir ham aksariyat hollarda bo‘lganidek, tushlik stoli atrofida muhim siyosiy qarorlar qabul qilinar va bu davlat boshqaruvining bir qismi o‘laroq ko‘rilgan. Hukmdorning o‘z a’yonlari bilan ichishdan bosh tortishi, hukumatdan bosh tortish sifatida baholangan. Knyaz o‘z a’yonlariga qay darajada bog‘langan bo‘lsa, ular ham knyazga shu qadar bog‘liq edi.
Manba: azon.uz   

Do'stlaringizga ulashing / Поделиться:
Категория: Qiziqarli faktlar | Просмотров: 517 | Добавил: MASSARI | Теги: Islom dini, Rus davlati | Рейтинг: 0.0/0
Похожие Новости
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]