наверх
Главная » Новости » Qiziqarli faktlar
10:39
Uxlashdan oldin uch marotaba oʻrinni qoqish sunnatida ilmiy moʻjiza bor

Gʻarb olimlari inson uxlayotgan paytida tanasidan oʻlik hujayralar koʻrpaga tushishini, ular vaqtida tozalanmasa, koʻpayib, unga qaytib yotgan insonning jismiga yopishib, kasalliklar keltirib chiqarishini, har turli yoʻl bilan tozalansa ham ketmasligini, maʼlum qismi qolishini, aynan uch bora qoqish bilan ketishini aniqladilar, deydilar.

Bu gʻarb olimlari kim ekanliklari, u mikroorganizmlar qanday turda ekanligi, qanaqa kasalliklar keltirib chiqarishi nomaʼlum. Lekin haqiqat shuki, Alloh taoloning “Sizlar koʻrib turgan narsalar bilan qasam ichurman. Va sizlar koʻrmaydigan narsalar bilan ham” (“Haaqqoh” surasi 38-39-oyatlar) deganidan biz, bu koʻrish darajamiz bilan koʻrishga qodir boʻlmagan olam ham borligi maʼlum, aniq.

Zamonaviy ilm ham koʻrpa-toʻshaklarimizda bizga koʻrinmaydigan, insonning toʻkilib tushgan terisi bilan oziqlanadigan kanalar mavjudligini isbotlaydi. Ularning umri bir oy. Urgʻochisi bir bor tuxum qoʻyganida har gal 20-30ta qoʻyadi. Munosib harorat va 50-80%li namlikda shiddat bilan koʻpayadi. Paygʻambar alayhissalom: “Sizlardan biringiz toʻshagiga yotmoqchi boʻlsa, izorining ichi bilan uni 3 marotaba qoqsin. Zero u unda nima borligini bilmaydi” dedilar. (“Sahihul Buxoriy” 6320).

Hadisdan olinadigan foydalar

– Qoʻl bilan emas, izor bilan qoqishga buyurishlari, inson oʻzi bilmagan holda zarar yuqqan qoʻlini ogʻizga yo burunga tekkizib zararlanmaslik uchundir.

Izorning ich tomoni bilan qoqishlik esa, uning tashqi koʻrinishini asrash uchundir.

“U havodan nutq qilmas” (“Najm” surasi, 3-oyat) Paygʻambar alayhissalomning har bir soʻzlari asosli ekanligini, unda hali kashf qilinmagan ilmiy moʻjizalar borligini isbotlaydi.
Doktor Mahmud Abdulloh Najo

Manba: azon.uz   

Do'stlaringizga ulashing / Поделиться:
Категория: Qiziqarli faktlar | Просмотров: 1054 | Добавил: MASSARI | Теги: to'shak, yotish, uxlash | Рейтинг: 0.0/0
Похожие Новости
Всего комментариев: 1
1 OYBEK   (06.10.2018 00:30)
Qib köraman

Добавлять комментарии могут только зарегистрированные пользователи.
[ Регистрация | Вход ]